Москва хотын иргэн Сергей Брин, Мичиганы Ларри Пейж нар 1995 онд Стенфордод их сургуульд хамт сурсанаар тэд интернэтийн шинэ хайлтын систем боловсруулах санааг олжээ. Ингээд тэд ажилдаа сэтгэл шулуудан хамтран зүтгэх нэг баг болсон юм.

Нэг ангийн оюутнууд 1998 онд төрөл төрөгсөд, найз нөхдөөсөө 1 сая ам.долларын хөрөнгө цуглуулсан нь тэр жилдээ хайлтын систем болох Google-н анхны хувилбарыг оюутны байр болоод их сургуулийн нэг ангийн найз бүсгүй болох Сьюзан Войцицкигийн машины гаражид хамгийн анх боловсруулсан байна. Google гэдэг нь зөвхөн мэргэжлийн хүрээнд мэддэг "Гугол” гэх 10 бүхий математикийн тоон утгыг илэрхийлдэг үг ажээ.

Уг хайлтын системийг санаачлагч Брин, Пейж хоёр өөрсдийн гар нийлж ажиллах багийг бүрдүүлжээ. Стэнфордод хамт сурч байсан Крейг Силверстайныг компаний технологи хариуцсан захирлаар ажиллаж харин Сюзон Войцицки нь үйлдвэрлэл хариуцсан захирлаар тус тус ажилладаг. Удалгүй дэлгэрэнгүй хайлтын сүлжээний ажлыг хангах талаар YAHOO компанитай гэрээ байгуулсанаар Google-н нэр хүнд ихээхэн өссөн. Калифорни мужийн Маунтин Вьюгийн ойролцоо гурван төв байртай бөгөөд тус компанид дэлхийн 15 орны 600 гаруй иргэд ажилладаг.

Google компани нь ажиллаж байгаа хүнийг бүх зүйлээр хангаад зогсохгүй компаний байранд төгөлдөр хуур болон амралтын өрөө, иллэг хийх газар, теннис, биллъярд гээд алжаал ядаргаагаа тайлах бүх зүйлээр хангаж мөн орчныг нь сайн бүрдүүлж өгчээ.