Бразилийн алдарт хөлбөмбөгч Дэлхийн 2 удаагийн аварга, Дэлхийн шилдэг хөлбөмбөгчин шагналыг 3 удаа хүртсэн шилдэг довтлогч Ronaldo их спортоос зодог тайлахаар болсон тухайгаа олон нийтэд зарлажээ.

Тэрээр хөлбөмбөгтэй холбогдон 18 жил үргэлжилсэн спортын их замналаа ийнхүү эцэслэж байгаа юм. Дэлхийн аваргын тэмцээний бүх цаг үеийн мэргэн буучдын жагсаалтыг 15 гоолтойгоор тэргүүлдэг шилдэг довтлогчийн маань хувьд сүүлийн жилүүдэд Бразилийн Corinthians клубт байх хугацаандаа төдийлөн амжилттай тоглолтыг үзүүлж чадалгүй хөгжөөн дэмжигчдээсээ ихээхэн шүүмжлэлийн үгийг сонсож байсан билээ.

Юутай ч түүний хийсэн бүхэнд хөлбөмбөг сонирхогч бид бүхэн талархах хэрэгтэй болов уу. Тэр бол жинхэнэ мэргэн бууч байсан гэдэгтэй хэн ч маргахгүй биз.