Испаний хамгийн агуу клубүүд болох Real Madrid, Barcelona клубүүд улирал дуусахаас өмнө хоорондоо хоёр ч удаа учраа тааран тоглох юм. Лигийн тоглолтоос гадна хоёр клубийн хувьд Испаний эзэн хааны цом буюу "Copa del Rey”-гийн финалд хоёулаа шалгарч үлдээд байгаа бөгөөд финалын тоглолт 4 сарын 21-ний өдөр болно.

Copa del Rey-д ялалт байгуулж чадна гэдэгтээ Real-ын супер од Cristiano Ronaldo итгэлтэй байна. Тэрээр клубийнхаа дасгалжуулагч Jose Mourinho-г Barca-г яаж ялах аргыг мэдэж байгаа хэмээн мэдэгдсэн байна. Магадгүй Mourinho-д Barcelona клубийг ялах шилдэг төлөвлөгөө байгаа бололтой.   

Cristiano Ronaldo "Cadena Ser”-д өгсөн ярилцлагадаа: "Barca-г яавал ялж болохыг Jose Mourinho хамгийн сайн мэдэж байгаа. Мөн бидэнд ч бас бодсон зүйл байна. Бид Copa Del Rey-гийн финалд ялалт байгуулж чадна гэдэгт би итгэлтэй байгаа.

Barca-д 5:0-ээр ялагдсан ялагдал миний карерын түүхэн дэх хамгийн хүнд хэцүү зүйлүүдийн нэг байсан. Гэхдээ энэ нь бас сайн зүйлүүдийг авчирсан. Бид эндээс их зүйлийг сурсан. Бид үүнтэй адил алдааг дахиж гаргахгүй.” хэмээн хэлжээ.